Timor Leste hetan ninia Indepensia iha loron 20 fulan Maio tinan 2002, ne’ebe Nasõens Unidas rekoñese hanesan Nasaun Independénsia iha era globalizasaun ho sistema Estadu Demokrátiku, signifikamente estadu adapta sistema demokrátiku, fo direitu tomak sidadaun ne’ebé maka iha tempu okupasaun nungka fo sira nia ideias no opiniaun ba moris núdar umanu no atu halo transformasaun ba evolusaun ne’ebé iha.
Liberdade expresaun no liberdade impresa garante iha artigo 40 no 41 Konstituisaun RDTL no Deklarasaun Universal ba Direitus Humanidade artigo 19. Liberdade de empresa hanesan dalan ida hodi hetan informasaun ne’ebé lolós, bele halo komunikasaun no hodi bele atende nessesidade basika hodi foti povo nia moris diak. Atu garante independénsia, integridade no kredibilidade komunikasaun sócial nian no atu bele halo funsaun direitu ho dever sira hodi bele atende nessesidade públiku maka, ohin Loron 20 Fulan, Jullu Tinan 2026, liu husi Conferensia ba dahuluk Conselho Rádio Komunidade Atsabe, aprova estatutu Rádio Komunidade Atsabe núdar fundamentu ka base legal ba Organizasaun nian, iha ne’ebé kontepla base fundamentu sira, regulamentu ka regras sira ne’ebé hakesi no regula funsionamentu ka lalaok tomak organizasaun nian, nune’e mós plataforma no planu sira ne’ebé sai hanesan mehi ba rádio iha tempu ida ne’e no ba futuru desenvolvimentu rádio nia exsistencia.
